.jpg)
МЭӨ 14-р зууны үед 4-р Тутмос фараон Сфинксийг анхааралдаа авах үед бунхант цогцолбор болон Сфинкс бараг бүхэлдээ элсэнд дарагдаж, зөвхөн толгойны орой нь цухуйж байжээ. Хамгийн сонирхолтой нь залуу фараон зүүдэндээ Сфинксийг ухаж гаргах тушаалыг бурхнаас авсан гэдэг. Нөр их хөдөлмөр зарцуулсан ч хөшөөний зөвхөн урд хөл хүртэл нь ухаж чаджээ. Ил гарсан хөлний дэргэд фараон тэрхүү зүүднийхээ тухай бичсэн гэрэлт хөшөөг босгосон байна. Хэдэн зууны дараа гэхэд хөшөө дахин цөлийн доор орж, МЭ 1-р зуун хүртэл тэр хэвээрээ хадгалагджээ. Тэр үед Египетийг эрхшээлдээ оруулаад байсан Ромын эзэнт гүрний төрөөс домогт хаан Нерогийн дурсгалд зориулж Сфинксийг дахин ухаж гаргахаар болжээ. Гэвч Эртний Ромын доройтлын дараа Сфинкс дахин элсэнд дарагдаж эхлэв. Энэ удаа алдарт хөшөө дэндүү удаан хугацаанд мартагдаж, дөнгөж 1817 онд дахин малтлага хийсний хүчинд цээжин хэсэг хүртэл нь ил гаргажээ. Түүнээс хойш одоог хүртэл элсэнд даруулахгүйн тулд байнга анхаарал хандуулж байгаа юм байна.
No comments:
Post a Comment