Плеядуудын илгээлт

Сайн байцгаана уу, хайрт дэлхийнхэн минь!

Та нарт өөрсдийнхөө тухай ялимгүй тодорхой ярих ээлж ирлээ.

Манай оддын орд та нарын дуран хүрэх бүсэд байдаг болохоор та нарын хувьд хамгийн оньсого мэт ордуудын нэг юм.

Биднийг маш олон зүйл холбож байдаг бөгөөд юуны түрүүнд хүн төрөлхтний үүсч бий болсон бидний ДНХ юм.

Бид та нараас өндөр ч гадна талаараа бараг ялгагдахгүй.

Бид 6-р хэмжээстэд амьдардаг болохоор бидний биесийн энергийн бүрэлдэхүүн хэсэг огт өөр байдаг.

Хэдийгээр гаднаасаа мэдэгдэхгүй ч бидний биес ялимгүй «шингэн» байдаг гэж хэлж болно. Бидний төрх байдал, хэлбэр дүрсээ хялбархан өөрчилж, эргэн тойрныхоо бодит байдлыг ч бодлынхоо хүчээр бүтээж чаддаг.

Манай гарагууд дээр хамгийн үнэ цэнтэй зүйл бол хоёрдмол байдал үгүй бөгөөд болж буй бүхний үндэс нь цорын ганц энерги болох Хайр байдаг.

Энэхүү аугаа жаргал, аугаа гайхамшиг нь Плеядуудын Оддын ордны бүхий л орон зайд нэвтэрсэн энэхүү энерги дотор амьдрах, бүтээл юм.

Засаглалын институтыг Ахлагч нарын Зөвлөлүүд орлодог, гараг бүр дээр өөрийн гэсэн Зөвлөл байдаг. Гарагууд хэмжээгээрээ янз бүр байдгийг эс тооцвол нэг нь ч голлодоггүй эсвэл захирагддаггүй.

Бидний амьдралын үндсэн зарчим бол «Хүн бүр чадлынхаа хэрээр хийж, хэрэгцээнийхээ хэрээр авах» гэдэг зарчим юм.

Гэхдээ бид ямар ч үед хүссэнээ авч чаддаг гэдгээ мэддэг болохоор манай оршин суугчдын хэрэгцээ ухаалаг байдаг гэдэгт итгээрэй.

Хүн бүрийн авъяас чадвар багаасаа хөгждөг, учир нь манайд авъяасыг генетикийн шинжилгээгээр шинжлэх ухааны үндэстэйгээр илрүүлдэг.

Хүүхдийн ямарваа нэг үйл ажиллагаанд хандах урьдчилсан хандлагыг илрүүлсний дараа түүнийг тусгай сургуульд оруулдаг бөгөөд билиг ухаан, авъяас чадвартай сурган хүмүүжүүлэгчдийн ачаар түүний авъяас чадвар бүрэн хэмжээнд нээгддэг.

Ингэж үйл ажиллагааны аль ч салбарт үйл хэрэгтээ дурласан, авъяас чадвараа төгөлдөржүүлсэн жинхэнэ мэргэжилтнүүд ажилладаг.

Хүмүүжлийн ийм системийн ачаар бид амьдралынхаа олон салбарт хурдан урагшилж чадсан юм.

Бид галактикийнхаа ахан дүүстэй нягт хамтран ажилладаг бөгөөд Плеядуудын бахархал болсон манай Оддын ордод нэг бус удаа төрөл авч байсан Аштар Шеран флотыг нь толгойлдог Гэрлийн Галактикийн Холбооны бүрэлдэхүүнд багтдаг.

Плеядууд Гэрлийн Холбооны боловсруулсан 5-р хэмжээс рүү шилжих Шилжилтийн үед нь дэлхийнхэнд туслах хөтөлбөрт гол үүрэг гүйцэтгэдэг бөгөөд манай хөлгүүд танай бүсд улам ихээр үзэгдэх болсон юм.

Олон хүн тэдгээрийг харж, тэдгээр нь та нарт айдас, үл итгэлцлийг өдөөдөггүй нь бидэнд таатай байдаг.

Хайрт ах эгч дүү нар минь, бид та нартай удахгүй уулзана гэдэгтээ найдаж байна, та нарын хувьд энэ хэцүү үед та нарыг дэмжихэд бэлэн байгаа шүү.

Плеядуудын оддын ордны Ахлагчдын Зөвлөл та нартай ярилцлаа.