ГАЛАКТИКИЙН ИЛГЭЭЛТҮҮД
Тайгета бол Плеядын оддын бөөгнөрөл дэх нэг од юм. Галактикийн илгээлтүүд нь тайгетчууд-плеядчуудын бүлэг ба дэлхийн холбогч Гошиа Дужак нарын хоорондын бичгийн харилцаан дээр суурилсан юм.
Бүлэг 8
Харь гарагийн арьстнууд
Гошиа: Сайн байна уу, Свару. Өнөөдөр маш сонирхолтой сэдвийг эхэлцгээе. Энэ бол харь гарагийн арьстнууд. Ерөнхий асуултаас эхэлье. Тэд хичнээн байдаг вэ?
Гуманоид хэлбэртэй нь хэд вэ?
Свару: Сайн уу, Гошиа. Өмнө ярьсан зүйлээ үндсээс нь эхэлье. Амьдрал бол Дэлхийгээс ч өөр газар байдаг зүйл. Амьдрал хамааралгүй зүйл биш. Орчлон ертөнц дэх амьдрал бол хэвийн л зүйл. Бүх зүйл амьдрал. Бүх зүйл ухамсар. Хэн харж, ажиглаж байгаагаас хамаарч өөр өөр байдаг зохиомол шинж чанарын тогтолцооны дагуу зөвхөн тодорхой өнцгөөс түүнийг амьдрал гэж тайлбарладаг. Хайрга чулуу амьд. Ус амьд. Амьдрал хэрхэн тодорхойлогддог дээр тулгуурлаж хогийн саванд хэвтэх хагарсан шилний хэлтэрхий ч амьд. Энэ нь биологи биш энэ бол ухамсар юм. Шилний хэлтэрхий нь ухамсрыг шил бүхэл байсан гэдгээс ч бага татдаг. Хэлтэрхий ашиггүй болохоор анхаарал алддаг. Үүний нэгэн адил анхаарал алдсан бүх зүйл устаж, объектоос дахин потенциал энерги болж хувирдаг. Бүх зүйл ухамсар бөгөөд ухамсраас ялгардаг. Орчлон ертөнцөд хаа сайгүй амьдрал бий, учир нь амьдрал бол орчлон ертөнц юм. Шөнийн тэнгэрт гэрэлтдэг тэдгээр бүх одод дээр амьдрал байдаг эсэхийг бүү асуугаарай. Одод дээр амьдрал байдаг болохоор өөрсдөө л оршин байдаг юм. Гуманоид арьстнууд нь норм байдаг, тэд хамгийн тархмал нь. Хүмүүсийг үндэс нь гэж хүлээн авснаар галактикийн энэхүү квадрантад доод тал нь хүмүүстэй төстэй янз бүрийн арьстнуудын төлөөлөгчидтэй 400 000 соёл иргэншил байдаг.
Бүгд, эдгээр 400 000 соёл иргэншил нэг бүр нь багахан физик онцлогууд ба авъяас чадвар эсвэл ДНХ-ээрээ нэг нэгнээсээ ялгардаг. Гэхдээ зарчмаараа бол тэд бүгд хүмүүс шиг харагддаг. Эдгээр 400 000 соёл иргэншлээс эхлээд бас л хүмүүс шиг харагддаг тоо томшгүй олон өөр бусад руу шилжинэ, гэхдээ тэдгээр нь хүмүүстэй адил байхыг зөвшөөрдөггүй ямар нэг зүйлээрээ хэдийн тодорхой ялгагддаг.
Жишээ нь: Диеслиентиплекс-арктурчууд
Мууран төрхтэй, Нохойн төрхтэй
Шавьжны төрхтэй Зааны төрхтэй
Тэдний нэг бүр нь шинжлэх ухаан ба нийгмийн хөгжлийн янз бүрийн түвшинд оршдог. Плеядууд дээр аж үйлдвэрийн өмнөх үе шат дээр оршдог олон тооны соёл иргэншил бий. Нэг хэсэг нь дөнгөж сая хүрдийг нээсэн. Эсвэл галыг. Бусад нь чулуун, хүрэл зэвсгийн үеийн зуунуудад эсвэл дундад зууны үед оршдог. Та оршин байдаг соёл, зан заншил, гол дүрүүдийн асар олон төрлүүдийг судалж, ажиглахаа хэзээ ч дуусгаж чадахгүй. Би тэрбум тэрбум, их наяд их наяд соёл иргэншлүүдийн тухай ярьж байна. Дэлхий чулуун зэвсгийн үед байхдаа нэг үзлээр бол тав дахь нягтралд, нөгөө үзлээр бол хоёр дох нягтралд оршдог байсан. Дэлхий дээрх энэ сэдвийг судлаачдын итгэдэг шиг бүх зүйлийг хялбархан каталогжуулах боломжгүй. Олон арьстан зүгээр л мэдэгдэхийг хүсдэггүй. Тэд аюул заналхийллийг олж хардаг. Тэдэнд нууц байх нь таалагддаг. Тэднийг оруулахыг тэд хүсдэггүй.
Жишээ нь, Та Солатчуудын тухай сонсч байсан уу? Бас нэг асуудал байна. Холливуд уран зөгнөл, зохиомол зүйлийн үзэл баримтлалаа тулгаснаар тэдний хэдийн сүйрүүлсэн бусад арьстнууд байдаг. Соёл иргэншил, тэдгээр нь хичнээн ч байсан дурсгалт зүйлээс ч илүү зүйл юм. Хүмүүс Плеядууд дээрх бүх соёл иргэншлүүд дэвшилттэй гэж ойлгодог. Плеядчууд нь хайрын ба гэрлийн өндөр нягтралуудад гэрлийн бөмбөлгүүдийг төлөөлдөг. Гэхдээ тэнд феодалын, бас илүү эртний соёл иргэншил олон байдаг.
Плеядууд дээр шүү дээ. Тэд од хоорондын ах эгч дүү нарынхаа тухай юу ч мэдэхгүй. Тэд ч бас шөнийн тэнгэр рүү ширтэж, тэнгэр дээгүүр нисч, шөнө гялалздаг тэр бяцхан гэрлүүд юу болохыг гайхдаг. Тэд тэдгээр оддын тухай түүх, домгуудыг бүтээдэг. Бас манай хөлгүүдийн тухай.
Гошиа: Бүр тав дахь нягтралд уу?
Свару: Бүр тав дахь нягтралд. Тэдний нягтралууд нь техникийн дэвшилтэй адил зүйл биш. Тэд сүнслэг хөгжил дэвшилтэй илүү холбоотой байдаг.
Гошиа: Плеядуудад од хоорондын арьстнууд хичнээн байдаг вэ? Свару: Ойролцоогоор 11 од хоорондын арьстан бий. Жишээ нь, Атлас гарагийн Моллусчуудын арьстан байна.
Моллусчууд бол сүнслэгээр хөгжсөн хүмүүс; хүн ам нь их биш. Тэд од хоорондынх биш. Оюун ухаан хүрэлцэхгүйгээс бус, мөн харилцаа байхгүйгээс бус. Энэ нь тэдний өөрсдийнх нь шийдвэр. Тэд маш сайн бодсон, маш чухал ямар нэгэн зүйлээр шалтгааныг тодорхойлсон. Яах гэж од хоорондын байх юм? Тэд бусад арьстнууд шиг бие махбодь дээр төвлөрдөггүй шүү дээ.
Гошиа: Өөрөөр хэлбэл, тав дахь нягтралд од хоорондын биш арьстнууд байдаг. Тав дахь нягтрал хүрэл зэвсгийн үед ч байж болдог нь сонирхолтой юм.
Свару: Тав дахь нягтралын асар олон арьстан, 99,9999% нь, нэг бүр нь өөр өөрийн шалтгаанаар од хоорондынх биш байдаг. Олон арьстан нэг л шалтгаанаар логиктой байдаг. Бусад нь од хоорондынх болохын тулд технологийн ба сүнслэг түвшинд хүрдэггүй. Од хоорондын байхын тулд технологи нь сүнслэг байдалтай зөв хорших ёстой. Эсрэг тохиолдолд та зүгээр л од хоорондын болж чадахгүй. Эсвэл өөрийнхөө итгэл үнэмшлээр. Шаардлага байхгүй.
Гошиа: Тав дахь нягтралд байх нь өөрөө тодорхой сүнслэг түвшинг баталгаажуулдаг гэж би бодсон юм. Дэлхийн гурав дахь нягтралын үүднээс бол мэдээж, тийм. Тав дахь нягтралын үүднээс үе шатууд ба сүнслэг хөгжил бас байдаг бололтой. Ямар нэгэн том зүйл үргэлж байдаг. Плеядуудын арьстнууд руу эргэж очъё, тэнд од хоорондын 11 арьстан байдаг. Энэ нь ямар арьстнууд байдгийг дурьдаж болох уу, Та юу гэж бодож байна? Свару: Тэгье.
Гол арьстнууд нь:
Альциона: Йена;
Стеропа: Саук/Мес’Ваки (Сауричууд);
Астеропа: Элох/Элохууд/Наф/Элиос;
Меропа: Геадичууд (мууран төрөл);
Меропа: Ашандс Лиричууд (хүн төрөлтөн);
Тайгета: Тайгетчууд;
Плейона: Солатчууд;
Атлас: Атлантчууд/Моллусчууд;
Электра: Энганчууд;
Келено: Селестчууд буюу Цэнхэрүүд;
Майя: Майячууд/Моллусчууд/Хопичууд.
Энэ нь үндсэн арьстнууд бөгөөд тэдний хувилбарууд ч бий. Хэрвээ бид үүн рүү гүнзгий орвол тэд мянга мянгаараа байх байсан юм.
Гошиа: Тэд бүгд гуманоидууд уу?
Свару: Нэг хэсэг нь бусдаасаа том ч ерөнхийдөө бол тийм. Тэд эерэг Саурчууд. Нөгөө нь мууран төрлийнх. Гуравдахь нь Лиричүүдтэй илүү ойрхон.
Гошиа: Гэхдээ Саурчууд нь рептилоидууд биз дээ?
Свару: Тийм ээ, Саук эсвэл Мес’Ваки.
Гошиа: Өөрөөр хэлбэл, рептилиодын арьстнууд Плеядууд дээр байдаг юм уу; тэд эерэг үү?
Свару: Тийм ээ. Тэд Саурчууд гэдэг нь тэд сөрөг гэсэн утгатай биш.
Гошиа: Тэд рептилоидууд-Луунуудтай ямар нэгэн хамааралтай юу? Альфа Луунуудтай?
Свару: Альфа Луунууд эерэг. Тэд Плеядууд дээр оршдоггүй. Гэхдээ тийм, сөрөг Альфа Луунууд байдаг ч тэд үргэлж эерэг Альфа Луунуудын хяналтан дор байдаг юм.
Гошиа: Ойлгомжтой. Плеядууд дээрх Саурчууд Плеядуудын гадна оршин суугчидтай ямар нэгэн хамаатай юу?
Свару: Тийм ээ. Бүх арьстнууд гадаад ба дотооддоо төрөл садантай байдаг.
Гошиа: Тань шиг мөртлөө зөвхөн сөрөг Нордикууд гэж байдаг уу, хэлээд өгөөч.
Свару: Мэдээж, тийм. Бидэн шиг харагдахын тулд хийсэн хиймэл клон олон тоогоороо байдаг. Гэхдээ тэд бид биш. Тэд сөрөг хөтөлбөрүүдэд зориулагдсан. Хар даа, од хоорондын бус арьстнуудын тухай ярих юм бол, жишээлбэл, Атлас дээр бид Моллусчууд буюу од хоорондын бус арьстнууд байдаг. Гэхдээ Майя гараг дээр
Майя-Моллусчууд гэж нэрлэгддэг өөр Моллусчууд байдаг. Тэд хэдийн од хоорондынх бөгөөд энэ нь нэг л арьстан юм. Майя нь “i” (Maia) үсэгтэй бол энэ нь Нарны систем дэх гараг гэсэн утгатай, Maia, M45. Майя нь “y” (Maya) үсэгтэй бол энэ нь арьстны, хүмүүсийн нэр юм.
Гошиа: Ойлгомжтой. Майя Хопичүүд нь манай Майя ба манай Хопичуудтай ямар хамааралтай вэ?
Свару: Энэ нь тэд юм, эндээс л энэ нэр үүссэн. Энэ нь тэд анхнаасаа тэндээс ирсэн юм. Тэдэнд Дэлхий дээр байсан зүйл нь колониуд байсан.
Гошиа: Бие махбодиороо орчин үеийн Майячууд ба Хопичуудтай адилхан уу?
Свару: Тэд бараг адилхан харагддаг. Миний ойлгож байгаагаар тэд нэг нэгэнтэйгээ харилцахаа больсон. Мезо Америк дахь Майя соёл иргэншлийн тухайд бол тэд хоёр байдаг. Хүмүүний шинжлэх ухаан зөвхөн нэгийг нь л хүлээн зөвшөөрдөг. Анхдагч од хоорондын Майя байдаг. Тэд ардаа байгууламжууд болон олон үр нөлөөг орхиод гэртээ харьсан. Дараа нь прото-Майя ирсэн; тэд барилга байгууламжийг булаан авч, ёс заншлыг нь эзэмшиж, харин тэдгээрийг буруу тайлбарлаж байсан; тахил өргөх гэх мэт. Ийм зүйл Египтэд тохиолдсон. Христийн өмнөх 50 жилийн өмнө Юлий Цезарь Египет рүү довтлох үед агуу фараонуудын үеийн Египетийн соёлд яг ийм зүйл тохиолдсон юм. Юлий Цезарь зөвхөн тэнд байсан зүйлийг эзэмшиж, Ромчуудаас өмнө тэнд оршин байсан соёл иргэншлийн талаар өөрсдийн тайлбарынхаа үндэс болгож авсан. Сфинкс ба пирамидууд нь орчин үеийн Майягаас өмнө байсан Майячуудын байгууламжууд шиг египетийн сонгодог соёл иргэншлийн өмнө бий болсон юм.
Гошиа: Прото-Майя хаанаас гарч ирсэн юм бэ?
Свару: Тэднийг хүрээлсэн толтекууд, ольмекууд, ацтекууд зэрэг соёлуудаас гаралтай. Гошиа: Харин Хопичууд? Тэд ямар хамааралтай вэ? Яг ийм зүйл тохиолдсон уу? Учир нь дээр дурьдсан тайлбарт ингэж бичигдсэн; Майячууд болон Хопичууд хамтдаа дурьдагддаг. Хопичууд Аризонд байдаг.
Свару: Нэг хэсэг нь гэр рүүгээ харьсан, бусад хүмүүс нь тэндээ нас барж Дэлхий дээр дахин төрөх мөчлөгт нэгдсэн. Гурав дахь нь бусад соёлуудтай нэгдсэн эсвэл бусад соёлуудыг олсон.
Гошиа: Өөрөөр хэлбэл, Аризоны Хопичууд бас л Майя гарагаас ирсэн үү?
Свару: Тийм ээ.
Гошиа: Хүмүүс Элох, Элохчуудын талаар асуудаг. Тэд Библи дэх Элохимд ямар нэгэн хамааралтай юу?
Свару: Тэд бас л нягт холбоотой. Миний хуваалцсан зүйлийн ихэнх нь Дэлхий дээр байдаг мэдлэгтэй сүлжилдэж бодлуудаар дүүрдэг. Элохим нь тэнд байсан болохоор тийм нэртэй юм. Яагаад гэвэл тэд Элохим юм. Унасан сахиулсан тэнгэрүүд болон бүгд тэдэнд хамаардаг.
Гошиа: Библи дэх Элохимууд нь Элохим мөн болох эсэх нь надад тодорхойгүй байна. Свару: Элохим, тийм ээ. Гэхдээ бүх зүйл маш төвөгтэй. Учир нь тэд агаарын арьстнууд гэдгээс үүдэлтэй юм. Элиос нь зарим нь бурхад, зарим нь түрэмгий, муу ёрын сүнс гэж үздэг сүнс юм. Гэсэн ч тэд ихэнхдээ хүмүүс. Тэдний олонхи нь эрт дээр үед хүн төрөлхтөнтэй холбоотой байсан нь үнэн юм. Тэднийг унасан сахиусан тэнгэрүүд ба чөтгөрүүд гэж хүлээж авдаг. Үнэн хэрэгтээ тэд хэд хэдэн плеядуудын арьстныг төлөөлдөг. Бусад төрлүүд рүү эргэж ирсэн эерэг Сауричууд юм.
Гошиа: Альфа Луунууд, Луунууд ба рептилоидуудын хооронд ямар ялгаа байдаг вэ? Тэд нэг гэр бүлд харьяалагддаг уу? Тэд шатлан захирах ёсных юм уу?
Свару: Тэд бүгд Сауричууд эсвэл рептилоидын арьстнууд. Тоолшгүй олон рептилоидуудын арьстнууд байдаг. Доор үндсэн мөчрүүд эсвэл төрлүүд өгөгдсөн. Хүснэгт бүрэн биш. Тэр үндсэн төрлүүдийг харуулж байна. Гэхдээ ямар нэгэн төсөөлөл өгдөг.
Гошиа: Серафимууд нь бас рептилоидууд уу?
Свару: Тийм ээ.
Гошиа: Тэд христийн шашин ба иудаизмд сахиусан тэнгэрүүд байсан гэж би итгэсэн шүү дээ.
Свару: Тийм ээ, мэдээж. Энэ нь христийн соёлд рептилоидуудыг оруулсан хэрэг юм. Серафимууд бол далавчтай рептилиодууд. Тэд эерэг ба сөрөг байдаг. Серафим-Луунууд нь сөрөгөөс гадна ямар нэгэн өөр байсныг би хараагүй бас сонсоогүй.
Гошиа: Тэд Тайгетчууд болон бусад үндэстнүүдийг, Альфаг хэрхэн хүлээж авдаг вэ? Тэд та нарт, харин та нар тэдэнд хэрхэн ханддаг вэ?
Свару: Эрт цагаас, мянга мянган шугаман жилийн өмнө тэд Холбооны арьстнуудтай хамтардаг бас хүндэлдэг. Сэтгэл зүрхний харилцаа, харилцан хүндлэл. Бид олон удаа хамтарч байсан. Ерөнхийдөө, тэд асуудал юм. Гэхдээ бүгд л сөрөг Альфа-Луунуудыг тусгаарласан бүлэглэлүүд хэвээр үлдсэн. Гэхдээ эерэг Луунууд тэднээс зайгаа барьдаг. Тэдний араас ангуучилдаг. Альфа-Луунууд бол сансарт учирч болох хамгийн гайхалтай бүтээлүүд буюу оршнолууд юм. Галаар тургидаг хөлөгтэй, гурван давхар байшин шиг өндөр гүрвэлийг дийлнэ гэдэг хэцүү. Урманчууд бол зонхилох муурны төрөл юм. Тоо томшгүй олон төрлүүдийн нэг нь. Альфа-Луунууд зонхилох рептилоидууд эсвэл мөлхөгчдийн арьстан байдагтай адил Урманчууд ч бас муурын зонхилох арьстныг төлөөлдөг. Гарал үүсэл нь Вега од. Лира ба Авалон гарагууд. Альфа-Луунуудад ч галактик даяар колониуд байдаг. Ялангуяа энэ квадрантад. Урманчууд Лиричуудын гарагийнх гэдгийг анзаараарай.
Тэд хамтдаа оршиж, хамтран ажилладаг. Нэг нэгэндээ нөхөрсөг ханддаг. Тэд мянга мянган гараг дээр колониудтай. Ялангуяа том колони нь Сириус А дээрх том колони нь Вега-ийн дараа ордог юм. Урьд өмнө нь Урманчууд маш түрэмгий байсан; одоо тэд амгалан тайван бөгөөд сүнслэг.
Урманчууд нь Нэгдмэл Гарагуудын Холбооны гишүүд юм. Тэд хоёр хөл дээрээ явдаг арслан эсвэл бар шиг харагддаг. Богино хөлтэй, урт цээжтэй. Заримдаа сүүл нь үзүүртэй бөмбөлөгөн үстэй байдаг. Ихэнхдээ телепат хэлтэй. Гэхдээ тэд тийм сайн хэлдэггүй ч ярьдаг. Махчин оршнолууд боловч хиймэл мах үйлдвэрлэдэг. Тэд ан хийхээ больсон. Сансрын хөлгүүдтэй. Хөлөг нь бүтэн U үсэг шиг урт харагддаг.
Сайн өнгөлсөн, металл. Тийм хөлгүүд хэд хэд байдаг. Хөдөлгүүрүүд нь ард талдаа байдаг. Орон зайг гажуудуулж чадна. Хөлөг нь цэвэр од хоорондынх. Урманчууд хоорондоо маш нягт бөгөөд бусад мууран арьстнуудаа хүндлэхэд тусалдаг. Дэвшилтэд бөгөөд сүнслэгээр өндөр оршнолууд. Хэт их хайрлагч, энэрэнгүй оршнолууд. Үүнийг үл тооцвол тэд догшин дайчид. Альфа-Луунууд хүртэл айдаг тийм догшин. Сириусчууд. Яг плеядчууд шиг. Энэ нь нэг арьстан биш. Энэ нь тоолшгүй их арьстнуудын цогц юм. Тиймээс тэдний талаар олж мэдсэн зүйл нь маш их ялгаатай байдаг. Сириусчуудын бүх оддын үрс гуманоид хэлбэртэй байдаггүй. Дэлхийд хамгийн их танигдсан, хамгийн ойрхон нь халим хэлбэртэй байдаг юм. Дельфинүүд, халимнууд. Сүнслэг байдлын нэр томъёонуудаар бол тэд хүнээс илүү дэвшилттэй байдаг. Нарийн төвөгтэй соёл иргэншил байгаа нь дэвшилттэй ижил утгатай гэсэн үг хараахан биш юм. Тэдэнд соёл иргэншил хэрэггүй. Түүнээс тэдэнд ямар ч ашиг байхгүй. Тэдний дотоодод бүх зүйл бий. Өөрсдийн харилцаа, өөрсдийн ертөнц, өөрсдийн бүх зүйл. Тэд Эх үүсвэрт ойр, маш хүчтэй холбоотой. Тэднийг Тиамат, Дэлхий, Эрра, Теммер болон өөр бусад олон ертөнцөд тарьсан. Египетийн соёл иргэншлийн үндэс болгож авсан арьстныг би хамгийн нөлөөтэй нь гэж тооцдог. Гэхдээ энэ нь пирамидууд болон Сфинксийн дараах үе шат юм, учир нь тэд Холбооны конгломератыг байгуулахаас өмнө байсан. Исида буюу Иштар нь Сириустай хүчирхэг холбоотой байдаг.
Тэр нь сириус эмэгтэй гэж алдаатай дүрслэгдсэн юм. Исида сириусчуудтай л ажиллаж байсан бөгөөд тэд ч түүнийг маш их хүндэлдэг. Энэ нь Сириус А, түүнчлэн олон гарагууд дээр үндэслэгдсэн соёл иргэншил юм. Энэ нь цэнхэрдүү арьстай дэвшилт гуманоидууд. Ерөнхийдөө сириусчууд нь нэг төрөл зүйл биш юм. Энэ нь бүгд оддын үрстэйгээ төрөл зүйлсийн конгломерат болдог. Сириусын рептилоидууд нь хүртэл эерэг байдаг. Сириусын Урманчууд бас байдаг. Соёл иргэншилтэй өөр бусад дэвшилт арьстнууд байдаг. Тэд цэнхэр арьстай бөгөөд тэд Андромедчууд ба Селестчуудтай холбоотой байдаг. Өөр бусад төрөл зүйлс ч байдаг. Сириус В дээр ялангуяа асар том шумбагч соёл иргэншлүүдтэй усан төрөл зүйл байдаг.
Гошиа: Тэд хүйсээрээ ялгаатай юу? Тэд үрждэг үү? Свару: Сириус А дээрх хөлөгтэй дийлэнх Сириусчууд нь бэлгийн замаар үрждэг. Тэд бүгд хагас усны оршнолууд бөгөөд ихээс дунд хүртэлх хэмжээний тоо бүхий хоёр нутагтан амьтдын гентэй.
Сириусын оршнол бүр усан биш. Гэхдээ ихэнхдээ тийм. Энэ бүсэд усан гарагууд давамгайлдаг. Тиамат ийм байсан бөгөөд Теммер гараг одоо яг ийм байдаг хэдий ч Теммер гараг дээр олон тооны арлууд байдаг.
Гошиа: Тэд Мали дахь Догончуудын үлгэр домгуудтай холбоотой юу? Догончуудад Сириус А ба В-ийн Сириусчуудын тухай домгууд байдаг. Догончууд Сириус С байдаг гэж баталдаг.
Свару: Тийм ээ. Бүх Дэлхий дээр анагаах ухаан, урлаг, архитектурыг суулгаж өгсөн дэвшилтэд усан оршнолуудын тухай домгууд бий. Дэлхий нь зөвхөн Сириусчуудын төрөл зүйл бус маш олон төрөл зүйлийн нөлөөнд автдаг юм. Тавдугаар нягтрал нь орчлон ертөнцийн стандарт, энэ нь ихэнхийнх нь нягтрал буюу давамгайлах нягтрал юм. Гэсэн ч түүнд хоёрдмол байдал хадгалагдаж байдаг. Энэ төрөл зүйлс нь түрэмгий эсвэл хор хөнөөлтэй байдаг нь зөвхөн санал нийлэхгүй байгаа хүмүүсийн тайлбар юм. Хоёрдмол байдал нь төрөл зүйлийн дотоод муу муухайгийн гол шинж нь биш. Тэр мөчөөс л Дэлхий дээр эрэгтэй эмэгтэй хүмүүс үүссэн шиг хоёрдмол байдал оршдог юм. Хэдийгээр тэр уусдаг ч гэсэн. Тав дахь нягтрал нь бидний долоо дахь нягтралыг тэмдэглэхийг илүүд үздэг шинж чанаруудтай гэж Дэлхий дээр ярьдаг. Гурав дахь нягтралын шинж чанараас бүх зүйл хайр, хоёрдмол байдал байдаггүй, мөн чанарууд андрогин шинжтэй, эрэгтэй эмэгтэй гэж байхгүй гэж ярьдаг шинж чанарт шилжих шилжилт илүү аажмаар хийгддэг. Юмс үзэгдлийн логикоор бол энд болж өнгөрөх ёстой. Бидний түүнийг дүрсэлсэн тав дахь нягтралаар. Телепатийн өндөр түвшин ба ийм цаг хугацаа дутмаг байгаа нь... Энэ нь хувь хүний өөрийнх нь сэргэн мандалтын туршлага болох хагас шугаман шинж чанартай, хамт олны үүднээс тооцоолж баршгүй хэвээр үлдэж байна. Хэрэв танд энд телепаттай бол энэ нь хэдийн харилцааны томоохон өөрчлөлтийг илэрхийлдэг.
Учир нь та бусад хүмүүсээс орж ирээд илүү ойлгодог. Үүний шууд үр дагавар нь бусад хүмүүс мөн л таны төлвүүд, нэг л хүн гэдгийг ухаарах ухамсар. Зүгээр л удаан орхисон өрөвдөх сэтгэлийн оршихуй. Гэхдээ энэ нь ийм байсан ч хоёрдмол байдал хайлж, сарниж, ууршдаг бусад түвшнүүд рүү шилжихийн зөвхөн нэг хэсэг юм. Та хоёрдмол байдлаас туйлын чөлөөтэй газартай байж чадахгүй, учир нь тэр үед л “бүх зүйл ассан” байх болно. Ийм газар нэг л байдаг нь Эх үүсвэр юм. Ингээд л боллоо.
Орчуулсан: Н. Хэнчбиш Эх сурвалж: Galactic Messages | Gaia
1-р хэсгийг унших бол эндээс https://michid-7.blogspot.com/2023/08/blog-post_23.html
No comments:
Post a Comment